lunes, 21 de enero de 2013

Taller de encadernación



Esta entrada vai dedicada a explicar un pouco en que vai consistir o taller que temos preparado.

Trátase dunha libreta con encadernación de "estructura cruzada", chamada así polo xeito particular que ten a portada de entrelazar unha parte con outra para así poder servir de base para coser o interior.




Escollemos esta libreta porque é unha boa toma de contacto coa encadernación feita a man, xa que podemos explicar conceptos básicos a ter en conta. Non é complicada de facer, ten un deseño sinxelo pero bastante curioso que, ademáis, admite bastantes variantes.


No curso explicaremos os tipos de materiais máis axeitados para facela, e mostraremos distintos deseños.

Faremos todos un deseño parecido,tamaño cuartilla, pero seguramente todas as libretas sexan diferentes a pesar de contar cos mesmos materiais de base:
_papel de cor branco
_cartulina negra ou "tabaco" (a da libreta da foto)


Se estades interesados, tedes que porvos en contacto con ZOOgráfico en:
Tel. 679 072 499
zoografico_tienda@hotmail.com
Avda/ Atlántida, 32 Bouzas-Vigo



Nesta foto  mostramos un pouco do proceso e material necesario, para que vos animedes:)


lenda da foto:
1_ folios tamaño A4
2_ cartulina de 300 gr
3_ folios cortados á metade
4_ pregrado
5_ agrupamos
6_ picamos o papel
7_ e cosemos!


lunes, 14 de enero de 2013

Tras o éxito do taller de papeis marmoreados, en Zoográfico anímannos con outro.
Como quedamos tan contentos co último taller de papeis marmoreados, animámonos con outro. Esta vez facemos unha libretiña moi versátil, xa que é sinxela pero con estilo.
Non utilizaremos adhesivos: papel, cartulina e fío son os materiais necesarios, que facilitaremos no taller xunto coas ferramentas necesarias.


*iremos adiantando máis información



Cartel do taller. click para ver máis grande

jueves, 22 de noviembre de 2012

Papeis marmoreados


Seguimos facendo sesións de papeis á cubeta, esta vez con novas propostas que xa desvelaremos outro día, porque hoxe escribimos para facervos unha proposta.
Xa vos ensinamos algún papel e imaxes de cómo os facemos, posto que é moi gratificante ver a reacción da xente cando lle explicas o proceso, como cosigues os distintos efectos… Pero en realidade o máis chulo é ver como se fan e, aínda máis, probar a experiencia de facelos un mesmo.
Por iso cando nos porpuxeron que As Chiflas organizaran un taller con esta temática, pareceunos unha gran idea, e comezamos facendo un aquí en Vigo.

Se vos interesa pasar un bo rato, tendes ganas de explorar novas técnicas e intercambiar opinións, tendes unha colorida cita no ZOOgráfico.

Polo de agora deixamos o cartel 
Bo día!


miércoles, 10 de octubre de 2012

De cubetada!!

A semana pasada estivemos facendo papeis á cubeta, ou marmoreados.
É unha técnica que consiste en botar a pintura sobre unha xelatina moi líquida para así poder facer estes efectos tan curiosos e difíciles de controlar.
Como con unha imaxe estas cousas compréndense mellor, deixámosvos unhas para que vexades o proceso e tamén algún dos resultados que tivemos.
preparar as cores, a xelatina, cortar o papel...  e plastificar a mesa tamén!

cubetas, botes con pintura e algúns papeis a secar

a xelatina cun resto de pintura

botando a pintura cun pincel

cando está o debuxo rematado, pomos o papel sobre a xelatina

con coidadiño non queden burbullas de aire

e despois sácase o papel escorrendo a xelatina contra o borde

tachán!


Se queredes mirar o resultado da sesión, hai fotos no ábum do facebook. Entrade e así dicides cal vos gusta máis!

viernes, 13 de julio de 2012

Verán 2012

Xa viña tocando unha entrada con material xa rematado, verdade?
Pois sen máis explicación, ahí van imaxes dos novos cadernos. Esperamos que vos gusten!
Libreta de encadernación en tapa solta con lombo e puntas reforzados con tea.
Decoración con papel ó engrudo

Libreta de encadernación en tapa solta en tamaños A5 e  A6 (aproximados). Ambas están forradas de tea e o A5 ten unha ventá na que poder  personalizar o caderno co uso que se lle vaia dar, un debuxo...

Libreta de costura copta de tamaño A5 (aproximado) e decorada cun papel  ó engrudo con efecto degradado


Álbum con costura xaponesa forrado en tea negra e decorado cun papel ó engrudo.

Libretas de tapa blanda e costura vista no lombo.

jueves, 12 de julio de 2012

As Chiflas festivalean!

Ola!
Non marchamos, non, nin acabaron con nosco os franceses da Reconquista. Aínda que un pouco afastadas das redes sociais, nós seguimos no "dobla, corta, pinta, pega e cose" para ofrecervos novos modelos e deseños, tanto en cadernos coma en álbumes.
Antes de amosarvos todo iso, imos dedicar a entrada de regreso ás vindeiras datas nas que estaremos dispoñibles, como non, nun ambiente de festa.
Confirmamos asistencia os festivales de música Portamérica e Brincadeira, dúas citas nas que ademáis de disfrutar dos concertos, contan con diversas actividades culturáis que agora vos contamos un pouquiño.

Comezamos con Portamérica, un festival que se fará en Porto do Molle, en Nigrán. Na súa primeira edición trata de conectar os dous lados do Atlántico cun cartel de 18 grupos, seccións como Mercainnova ou Gastro que pretenden promover un espíritu emprendedor, descontos en actividades nas que disfrutar do entorno como o kayak, surf, padelsurf, escalada… 19, 20 e 21 de xullo.



Por otutra banda, o Brincadeira - Rock in Cambre leva xa unhas vinte edicións e conta con nada máis e nada menos que 85 actuacións repartidas en cinco zonas de música. Ademáis conta cun Festival de Cine Independente, Concurso de Fotografía, mostra de artesanía e disque moitas sorpresas máis.
No caso de que non poidades permitirvos pagar a entrada e queredes ver o que se coce, o domingo ten entrada gratuíta, así que tendes a oportunidade de pasar por alí. Toda visita é benvida! 9, 10, 11 e 12 de agosto.


E alí estaremos para ofrecer o diario no que escribir as experiencias deste verán, ou para atopar o álbum no que pegar as fotos ou mesmo as entradas do festival.
E lembrámosvos a nosa sección de artesanía en coiro, na que atopar carteiras, caixas, adornos... e na que poderedes facer unha trenza para lucir a melena.

viernes, 30 de marzo de 2012

As chiflas na Reconquista

Tes ganas de ver os resultados do noso traballo? Se é que si, poderás atoparnos na  Reconquista nun postiño no que descubriredes tanto pezas de coiro coma cadernos e álbums en diferentes formatos.
Ademáis poderedes disfrutar do casco vello de Vigo todo preparadiño e comer e beber cousas máis que boas.
Agardamos por vós!



Ver Situación do puesto nun mapa máis grande


Parte das libretas do posto. Non vos pica a curiosidade?